Boksierët kosovarë u kthyen nga Pogradeci

Përfaqësuesja e Kosovës në boks për seniorë dhe për shpresa me sukses ka përfunduar përgatitjet dhjetëditëshe në Pogradec të Shqipërisë.
Nga data 1 gusht e deri më 11 të këtij muajit, boksierët janë përgatitur në të gjitha pikëpamjet dhe janë të gatshëm për çdo aktivitet ndërkombëtar. Përzgjedhësi Mehmet Haxhani, së bashku me Shefki Bogujevcin, me punën e tyre kanë arritur boksierët t’i përgatisin në kondicion dhe në teknikë. "Kushtet për punë kanë qenë të shkëlqyeshme në Pogradec dhe kemi arritur në tërësi t’i realizojmë objektivat tona. Tash mbetet çështja e përzgjedhësit që t’i përcaktojë boksierët për turnetë e ndryshëm ndërkombëtar", ka pohuar zëdhënësi i FBoxK-it, Latif Demolli.